பாருலகில் நாம் காணும்
பகட்டான மனிதர்கள்
பல்லிளிக்க பேசி
பகையவனிலும் கொடிய
பாரினிலே உலாவரும்
பச்சோந்திகளே
முதுகில் குத்தும்
மனிதர்கள்
சுயநலத்தின் போர்வையிலே
பொதுநலத்தை புனைந்திட்டு
தூயவராய் துகில் பாடி
துவேசமனம்
கொண்டவர்கள் தான்
முதுகில் குத்தும்
மனிதர்கள்
அகமொன்றும் புறமொன்றும்
அபிநயிக்கும் வித்தை கற்று
ஆறாத ரணமாக
ஆழ்மனதை ஆக்கிடும்
அர்த்தமற்ற உறவார்தான்
முதுகில் குத்தும்
மனிதர்கள்
காரியத்தில் கண்வைத்து
கண்ணியமாய் உரைநடத்தி
மாறுபட்ட தோற்றத்திலே
மாறி மாறி வேஷமிடும்
மனம் படைத்தவர்களே
முதுகில் குத்தும்
மனிதர்கள்
தற்பெருமை தலைக்கணமாய்
தன்புகழை தரணி போற்ற
தக்க சமயத்தில் உறவாடி
தயங்காது களையருக்கும்
தரமில்லா வர்க்கம் தான்
முதுகில் குத்தும்
மனிதர்கள்
நேசமெனும் வார்த்தைக்கு
நீங்காத கலங்கமெய்து
நட்பு எனும் சொல்லுக்கு
நா தனிலே நச்சிட்ட
நயவஞ்சக மனிதர்களே
முதுகில் குத்தும்
மனிதர்கள்
நிலையில்லா வாழ்க்கையிலே
நிலைமாறும் மனிதனிவன்
பார்ப்போரும் பணிந்திடவே
பாவனையை அரங்கேற்றும்
பன்நடிப்பு கற்றவரே
முதுகில் குத்தும்
மனிதர்கள்
மனிதநேயம் தழைத்தோங்க
மாறாக நாம் வாழ்ந்து
புறமுதுகில் குத்தாத
புண்ணியனாய்
பார் போற்ற
வாழ்ந்திடுவோம்
பகையோரையும்
அணைத்திடுவோம் !
அதிரை மெய்சா
No comments:
Post a Comment
உங்கள் மேலான கருத்துக்களை நாகரீகமாக பதியவும். பதிவில் ஏதும் பொருள் குற்றம் கண்டால் மின் அஞ்சல் மூலமாக தெரியப்படுத்தவும்.