மனைவி

மனித வாழ்வில்
மகத்தான பங்கு பெரும்
மாபெரும் நாயகியாம்
வையகம் போற்றும்
நற்தலைவியாம் அவளே

குடும்பத்தலைவியாய்
வாழ்க்கைத்துணைவியாய்
வளம் வரும்
துணைவி யெனும்
மனைவி

சோதனைகள் பல கடந்து
சாதனையாய் மழலையீன்று
சபித்தோரும் போற்றிப்புகழ
சன்னதிகள் பல காண
வந்தவளே
துணைவி யெனும்
மனைவி

காலத்தால் அழியாத
காவியங்கள் பல படைத்து
பாசத்தால் பணிவிடைகள்
பாவாங்கு பல செய்து
பார் புகழ வாழ்ந்து காட்டும்
பகட்டில்லா புனிதவளே
துணைவி யெனும்
மனைவி

நேசத்தில் கரம் நீட்டி
நெகிழ்வுடனே குடில் நடத்தி
பெண்மைக்கு நற்ப்பேரு சேர்த்து
பேதமைக்கு திரையிட்டு
பகையோரும் சேர்ந்து போற்றும்
பறைசாற்ற வந்தவளே
துணைவி யெனும்
மனைவி

துன்பத்தில் துயர்துடைக்கும்
தூய உளம் கொண்ட உறவாய்
இன்பத்தில் இணை துணையாய்
ஈடில்லா சுகம் தருபவளே
துணைவி யெனும்
மனைவி

வீடு முதல் காடுவரை
வீறுகொண்டு வீற்றிருக்கும்
நாடு போற்றும் நல்லுறவாய்
நன்மைகள் பயக்கும்
அவ்வுறவே துணைவியெனும்
மனைவி

ஏழுறவும் எட்டி நிற்க்க
ஏற்றமிகு உறவாய் வந்து
இன்பங்கள் பெருக்கிட்டு
இல்லாளன் இதயத்தில்
இல்வாழ்வு முடியும் வரை
என்றென்றும் ஒன்றிணைந்து
ஓங்கி வளரும் உறவவளே
துணைவி யெனும்
மனைவி

மனைவியெனும் ஸ்தானத்தை
மதிப்புடனே நாம் நடத்தி
மாபெரும் வெற்றி கண்டு
மகிழ்வுடனே வாழ்ந்திடுவோம்
இன்பமுடன் வாழ்ந்திட்டு
ஈருலகை வென்றிடுவோம்

அதிரை மெய்சா

குறிப்பு : இந்தக் கவிதை கடந்த [ 30-05-2013 ] அன்று இலண்டன் தமிழ் வானொலியின் கவிதை நேரம் நிகழ்ச்சியில் ஒலிப்பரப்புச் செய்யப்பட்டது. அதன் காணொளி இதோ...