மதியினை ஆறாய்ப்பெற்று
மகத்துவத்தை மூலதனமாய் கற்று
குணமதனில் மாறுபட்டு
கொள்கைகையினை வகுக்கக்கற்று
இவ்வையகத்தை ஆளப்பிறந்தவனே
மனிதன்
படைப்பினத்தில் உயரியபடைப்பாய்
பாரினிலே பலதரப்பாய்
நிறத்தாலும் குணத்தாலும்
வேறுபட்டு இருந்தாலும்
நிலைபாட்டில் மனித இனமாய்
நிறம் மாறாதிருப்பவனே
மனிதன்
இவ்வுலக வாழ்க்கையை
ஊனமில்ல வாழ்க்கையாக
அனைத்திலும் தேர்ச்சியுற்று
ஆகாயம் வரை தனை உயர்த்தி
கானகத்தையும் மாநகராக்கும்
கைதேர்ந்த கலைஞனே
மனிதன்
மனிதனவன் கண்டுபிடிப்பு
மதி செய்த மனத் திகைப்பு
கணப்பொழுது யோசித்தால்
கண்களிலே நீர் சுரக்கும்
மனதினிலே யாசித்தால்
மகிழ்வதனை பங்கிடலாம்
நாகாரீக வாழ்க்கையினை
நகரில் அறிமுகம் செய்து வைத்து
நன்மை தீமை இரண்டையுமே
நயமாய் அவனே அவிழ்த்து விட்டான்
மனிதனில் இருக்கும் நல்ல குணம்
மாறுபட்டால் தனைக் கொல்லும்
புனிதனாக நீ இருந்தால்
புகழ் வந்து உனை அணைக்கும்
மனிதனாகப் பிறந்த நீயும்
மணம் வீசும் மல்லிகையாக
நெஞ்சில் ஈரம் உள்ளவனாய்
நீதி தவறா வல்லவனாய்
பாரெங்கும் பெயரெடுத்து
ஊர் போற்ற வாழ்ந்திடுவாய்
அதிரை மெய்சா
குறிப்பு : இந்தக் கவிதை கடந்த [ 05-09-2013 ] அன்று இலண்டன் தமிழ் வானொலியின் கவிதை நேரம் நிகழ்ச்சியில் ஒலிப்பரப்புச் செய்யப்பட்டது.
No comments:
Post a Comment
உங்கள் மேலான கருத்துக்களை நாகரீகமாக பதியவும். பதிவில் ஏதும் பொருள் குற்றம் கண்டால் மின் அஞ்சல் மூலமாக தெரியப்படுத்தவும்.