சவாரி

ரெட்டெமாட்டு வண்டி பூட்டி
ரோடு குலுங்க ஜல்ஜல் ஒலியில்
சகட்டு மேனி அணிவகுத்து
பகட்டுடனே பாடிமகிழ்ந்து
ரம்மியமாய் போயிடுவர்
நம்ம நாட்டு சவாரிக்காரர்

குதிரையிலும் போகலாமே
குண்டுமல்லி பூவும் வாங்க

மதுர போயி வாங்கி யரலாம்
மணங்கமழும் ஜாதிமல்லி
மனம் மகிழ சவாரி செஞ்சி

கார் ஓட்டக் கற்ற உந்தன்
கவனங்கள் சிதறாமல்
தேர் போல நேர் பார்த்து
தெருப்பக்கம் பார்த்துச்செல்லு
தென்படுமாம் புது வளைவு
கண்படவே விழித்துக்கொள்ளு

பள்ளம் மேடு பார்த்து சென்று
பகலுறக்கம் தூரக்களைந்து
பார்போற்றும் சவாரியாய்
பாதுகாத்துச் சேர்த்திடுவாய்

ஆட்டோ ரிக் ஷா ஏற்றிச்செல்லும்
அனுதினமும் பள்ளிச்சவாரி
அக்கம் பக்கம் பார்த்துச் செல்லு
அன்பாய்க் குழந்தை அணைத்துச் செல்லு
கவனத்துடன் நீ சென்றால்
சுவனத்திலும் இடம் கிடைக்கும்

ஊருதெருவில் உறுமுமிந்த
ஈரு சக்கர வாகனங்கள்
சாகசத்தில் பறந்து சென்று
சவாரியாய் முந்திச் சென்று
சோக நிகழ்வு நிகழ்த்துகிறாய்
சொல்லி மாலா துயர் அடைகின்றாய்

கழுதையிலும் ஏறிடுவர்
கனவுலகில் மிதந்திடுவர்
எதிலுமொரு துணிவுவேண்டும்
எட்டிநின்றால் பலன் கிடைக்கும்
அதுவுமொரு சவாரியாம்
அழுக்கு மூட்டை சுமப்பதுமே

மதியுடனே செயல்பட்டு
மிதிவண்டிப் பயணம் போனால்
உடலுக்கும் வலிமை சேர்க்கும்
உணர்வுக்கும் பயனளிக்கும்
மனம் மகிழ சவாரி செய்தால்
உடல் நலமும் குணம் பெறலாம்

சவாரியே தொழிலாய்ச் செய்யும்
சளைப்பில்லா உழைக்கும் வர்க்கம்
முஹாரியில் ராகமெடுத்து
முந்திச்சென்று மகிழ்விப்பர்

முழுப்பொழுதும் வெற்றி கண்டால்
முடிவில்லா இன்பம் பயக்கும்
சிறப்புடனே வாழ்ந்திடுவோம்
சீராய்ச் சவாரி மேற்கொண்டு

அதிரை மெய்சா

குறிப்பு : இந்தக் கவிதை கடந்த [ 15-08-2013 ] அன்று இலண்டன் தமிழ் வானொலியின் கவிதை நேரம் நிகழ்ச்சியில் ஒலிப்பரப்புச் செய்யப்பட்டது.